Cillian Murphy

Dad

Ac yntau’n un o actorion amryddawn mwyaf clodwiw ei genhedlaeth, mae Cillian Murphy wedi serennu mewn ffilmiau stiwdio mawr, ffilmiau annibynnol llwyddiannus, cyfresi teledu adnabyddus ac ar lwyfannau Llundain, Efrog Newydd a ledled y byd. Derbyniodd Murphy sylw rhyngwladol am y tro cyntaf am ei berfformiad fel Jim, y goroeswr amharod, yn 28 Days Later gan Danny Boyle.

Yn 2006, derbyniodd enwebiad Golden Globe am ei berfformiad fel Patrick “Kitten” Brady yn Breakfast on Pluto gan Neil Jordan. Enwebwyd Murphy ddwy flynedd yn olynol am Wobr Ffilmiau Annibynnol Prydain am The Wind That Shakes the Barley gan Ken Loach a Sunshine gan Alex Garland. Yn 2012, derbyniodd drydydd enwebiad Gwobr Ffilmiau Annibynnol Prydain am ei rôl fel athro yn Broken gan Rufus Norris.

Yn 2023, gwnaeth Universal Pictures ryddhau biopic / ffilm gyffro Christopher Nolan, Oppenheimer, gan arwain at Wobr yr Actor Gorau i Murphy yng Ngwobrau’r Academi rhif 96 am chwarae cymeriad y teitl. Am chwe thymor ar y teledu, bu Murphy yn serennu fel Thomas Shelby, y brawd mwyaf didostur mewn teulu o gangsters o Birmingham yn y gyfres “Peaky Blinders” a enillodd wobr BAFTA, wedi’i chreu gan Steven Knight ar gyfer BBC One/Netflix.